تحديث جديد – وسيء للأسف – في إعلانات فيسبوك

تحديث جديد – وسيء للأسف – في إعلانات فيسبوك

قبل كده كنت وانت بتحدد الأماكن اللي عايز تستهدفها من الخريطة ، بيظهرلك 4 اختيارات فوق الخريطة – زي الصورة الأولى – وعادة كنا بنختار تاني اختيار علشان نقدر نوصل للأشخاص الموجودين في المكان ده بس ميخرجش عنه ، لأن الاختيار الأول والتالت كان ممكن يوصل الإعلان لناس مش من سكان المناطق اللي احنا بنستهدفها ولكنهم كانوا موجودين في الأماكن دي قريب.

فكان في ناس بتواجهها مشاكل إن ممكن الاعلان يوصل لأشخاص من محافظات تانية أصلا غير اللي هما مستهدفينها في الإعلان!

دلوقتي فيسبوك لغى كل الاختيارات دي وبقى افتراضيا هيوصل الإعلان للناس اللي موجودة في الأماكن دي + الناس اللي كانوا موجودين فيها مؤخرا حتى لو مش ساكنين فيها!

وده هيرجعنا لنفس المشكلة الأولى إن الإعلان ممكن يوصل لأشخاص مش من سكان المناطق اللي احنا عايزين نوصلهم ولكن الإعلان وصلهم لمجرد إنهم كانوا موجودين في الأماكن دي حتى لو لمجرد إنهم كانوا بيقضوا مشوار هناك وراجعين تاني لمحافظتهم.

إيه رأيك في التحديث ده ؟

تفتكر فيسبوك ممكن يحل المشكلة دي بطريقة ما ، ولا غرضه مجرد إنه يزود عدد مشاهدات الإعلان وخلاص حتى لو على حساب جودة الاستهداف ؟

#افهم_تسويق #شريف_محمود